Saan pay a masigurado ni Gilas Pilipinas head coach Tim Cone no makadwa da ni Kai Sotto para iti fifth window ti FIBA World Cup Asia qualifying window a maiyuswat iti Seremban, Malaysia.
Makasango ti Gilas ti Syria intono Nobyembre 27 idinto a makasango da met ti Iran intono Nobyembre 29.
Target ti Gilas ti maysa kadagiti walo nga slots a nakareserba iti Asya ken Oceania iti FIBA World Cup iti Doha manipod Agosto 27 agingga iti Setyembre 12 iti sumaruno a tawen.
Iti agdama, adda iti maikalima a pwesto iti innem a team ti Group E no sadinno nga addaan laeng ti nabatbati a dua qualifying windows.
Addaan ti uppay a panangabak ken uppat a pannakaabak ti Gilas iti Group E no sadinno nga umun-una ti Australia nga addaan ti walo a panangabak ken awan pay ti pannakaabak da.
Ti agtawen ti 24 a ni Sotto ket agay-ayam paylaeng iti Japan B-League.
