Maysa a tech startup iti San Francisco, California ti nagpost ti listaan ti trabaho a mangididiaya ti $20 kadagiti dog walker a nakasagana a mangipaay ti oras na iti uppat agingga iti innem nga oras a pannagna kadwa dagiti robot dog.
Inbatad ti kumpanya a Dimensional, ti listaan a naikkaten iti Bay Area Jobs group iti Facebook, a dagiti robot dog walker ket kasapulan a mangilatang ti saan a nababbaba ngem uppat nga oras iti pannagna dagiti robot dog kadagiti pampubliko a lugar iti ciudad.
Nailanad iti listaan a dagiti aplikante ket masapol nga agbalin a komportable iti natalged a panagiggem kadagiti banag nga addaan ti kadagsen a sumuruk-kumurang a 33 pounds,” gapu ta dagiti walker ket kasapulan a bagkaten da ti aniaman a robot dog a madadael iti panagsubli da iti kompanya.
Inbatad ni Stash Pomichter, founder ti Dimensional, inkarigatan ti kompanya da ti nagaramid ti open-source operating system para kadagiti robot tapno mangiyuswat ti naiget a physical labor.
Innayon na a dagiti immuna a panagadal ken naduktalan a saan unay nga epektibo iti panangkontrol kadagiti robot ngem kadagiti operator ti tao, kagiddan ti panangilawlawag ti kompanya a ti human-assisted dog walk ket gagem na ti agkalap ti ad-ado a datos.
Naamoan a dagiti robot nga aso ket magatang manipod iti maysa a kompanya iti China a maaw-awagan ti Unitree iti balor a $2,000 ti kada maysa.
