LAOAG CITY – Umabot iti nasurok a 100 a tattao ti nagtitipon iti San Francisco tapno iyebkas ti saan a nasayaat a marikrikna da babaen ti panaggigiddan da nga agpukkaw wenno aggiikkis iti igid ti baybay.
Ti “Guttural Scream at the Sea” event, ket inorganisar ti local resident a ni Danielle Egan, a nangitampuk ti nasurok a 100 a tattao a naggiikkis iti Pacific Ocean, partikular iti Vista Del Mar.
Inbatad ni Egan a panagrikna na ket makapabang-ar ti rikna ken naragsak ti panagik-ikkis iti igid ti baybay aglalo no kadwa ti naruay a tattao.
Tapno ad-adda a naragsak ti aktibidad ket ipatungpal pay ti screaming contest no sadinno a ti nagibasaran iti panagpili ti nangabak ket ti kinapigsa, kapaot ken ti style ti panagpukaw dagiti partisipante.
