LAOAG CITY – Nangiwayat ti Trick or treats ti lokal a gobierno ditoy suidad iti Laoag kageddan ti pannakaselebrar iti Halloween.
Nakasuot dagiti ubbing ti nagduduma a custome, no sadinno kaduada dagiti nagannakda a nagsusor kadagiti nagduduma nga opisina iti City hall.
Mainaing iti daytoy, sinarabo met dagiti pannakabagi dagiti pagopisnaan iti City hall dagitoy a nangipaay iti nagduduma a candies ken halloween treats kadagiti ubbing.
Nagbalin a naragsak dagiti ubbing gapu iti nakaaado a regalo a naited kadakuada, pakiramanan ti candy, chocolate’s ken dadduma pay a naalada kadagiti opisina.
Kabayatanna malaksid iti trick or treats ket adda pay dagiti nagduduma nga aktibidad a mabalin a pagturongan dagiti umili kas koma iti motor show ken ti 4×4 Alisto Junior edition, maysa a kompetision a mabalin a pakipagpasetan dagiti remote-controlled 4×4 vehicles.
Ti trick or treats ket maysa kadagiti nakadawyan nga aktibidad nga maarramid iti halloween a selselebraran dagiti ubbing ken kas wagas payen iti panagbobonding dagiti tunggal pamilya.
