Inbilang ni Presidente Ferdinand Marcos Jr. ti naisangsangayan a balligi para iti Bangsamoro ken ti intero a pagilian ti panaglukat ti umuna a session dagiti kaunaan a nadutokan a Bangsamoro Parliament.
Iti panagbitlana, inbatad ti Presidente ti pormal a panagleppas ti pito a tawen a panangidaulo ti Bangsamoro Transition Authority (BTA) ken panangrugi ti regular a gobierno nga idauloan ti maysa a parlamento iti rehion.
Inpaganetget ni Marcos ti kinapateg ti kinakappia ken nagyaman daytoy kadagiti lider nga inkagumaan a magun-od ti katulagan para iti kappia iti baet ti gobierno ken ti Moro Islamic Liberation Front (MILF).
Innayonna pay a mangrugin ti panagakem ti 80 a nadutokan a kameng ti Parlamento, pakairamanan ti panagpili iti Chief Minister ken Pannakangiwat ti Parlamento a mangidaulo iti baro a gobierno.
Inpasigurado pay ni Presidente Marcos ti agtultuloy a suporta ti nasional a gobierno ti bukod a panangidaulo ti Bangsamoro ken dagiti programa a mangpapigsa iti pagbiag ken ti panagdur-as ti rehion.
Mangnamnama ti Presidente a manglukat ti baro a paset ti panangidaulo nga agturong iti ad-adda a nakappia ken panagdur-as a Bangsamoro.
Kabayatanna, gegem ti baro a sistema ti panangidaulo a mapaimbag ti serbisio publiko, makissayan ti kinakurapay ken mapalawa ti oportunidad iti pagbiagan para iti umili iti rehion.
