Inreklamo ni Mr. Mark Anthony Gaviola, maysa a jeepney driver iti ruta Laoag-Burgos ti maysa a modernized jeepney nga addaan iti numero 2047 ti ruta a Pasuquin-Laoag a naiparada ti behikulona iti asideg iti likoan iti paset iti Illanes Street ditoy suidad ti Laoag.
Segun kenkuana naipara iti behikulo iti oras ti pasado alas-12 iti aldaw, Oktubre 31 no sadinno kunana a saan makastrek iti luganna gapu iti inaramid iti driver.
Inbatadna nga aglalaok iti pagparparkingan dagiti modernized jeepney nga addan ti ruta a Pasuquin-Laoag a dakkel a mangitunda iti nairot a trapiko aglalo no rush hour.
Mainaig iti daytoy kunana no responsable ti driver ket ammona nga iparada iti bukodna a lugan iti umiso a pagparkingan ken saan a tila adda a lugar.
Nupay kasta gapu iti napasamak, insigida nga inreport ni Mr. Gaviola iti nasao a driver kadagiti kameng ti Philippine National Police a nairana met a gumatgatang iti maysa nga establishmento.
Kabayatanna, insigida nga nagtignay ti Philippine National Police Traffic Division ti napasamak ken naipaayan ti ticket ti nasao a driver ti behikulo.
