LAOAG CITY – Inrakurak iti Bureau of the Treasury, nga Immaboten iti nangato a record a P19.66 trilyon ti pakabuklan nga utang ti gobierno ti Pilipinas.
Ngimmato daytoy iti 0.27% no maidasig iti bulan ti Agosto ken 12.63% met no ikumparar idi 2025.
Manipud Enero, nanayonan ti maipagarup nga 11.03% wenno agarup P2 trilyon ti utang ti pagilian.
Kaadoan nga utang ti domestic debt ti 67.39% tipakabuklan nga utang, nga umabot iti P13.25 trilyon.
Idi Setiembre, maipagarop a nangatngato ti P7.66 bilyon ti baro nga utang ti gobierno kadagiti local creditor no ikumparar kadagiti repayment daytoy.
Dakkel met ti epekto ti panagkapuy ti piso no sadinno nga immabot iti P62.601 kada dolyar iti panagngudo ti Setiembre manipud P62.209 idi Agosto.
Gapu iti daytoy, ngimmato ti P1.12 bilyon ti balor iti piso kadagiti dollar-denominated bond a nairuar iti lokal a merkado.
