LAOAG CITY – Inarakurak ti Department of Social Welfare and Development (DSWD) a kuwalipikado kadagiti benepisyo ken tulong ti solo parent dagiti miembro ti LGBTQIA+ community babaen ti Expanded Solo Parents Welfare Act.
Basar iti Department of Social Welfare and Development (DSWD), awan probision iti linteg a mangikkat kadagiti miembro ti LGBTQIA+ community iti panagbalin a solo parent, no laketdi kabaelanna a sumurot kadagiti kasapulan ti ahensia.
Iti agdama, addan ti 7,000 iti agarup 300,000 a rehistrado a solo parent iti pagilian ti karaman iti LGBTQIA+ community.
Ginutigot met ti ahensia ti publiko a mangipakita ti pannakaawat kadagiti isyu nga adda pakainaiganna kadagiti marginalized group.
