Nakasaganan ti partido dagiti biktima ti drug war nga idatag dagiti ebidensiada ken witnesses iti panangusig ken ni dati a Presidente Rodrigo Duterte iti International Criminal Court (ICC) inton Nobiembre 30.
Inbatad ni Atty. Neri Colmenares, legal counsel dagiti pamilia dagiti biktima ti extrajudicial killing, a ti status conference ita a Nobiembre 2 ti maudi a gundaway tapno iyurnos dagiti detalye ti trial.
Nakasagana payen dagiti opening statements ken dagiti ebidensia a mangpaneknek iti nagbalin a papel ni Duterte ken iti epekto ti kampania kontra droga iti biag dagiti biktima.
Mapatta-patta nga adda iti 60 agingga 70 a witnesses ti posible nga ipasango ti prosecution kabayatan nga addaan ti 52 a stipulations pay ti posible a pagtuganan ti nagsinnumbangir a paset.
Numan pay adda limitasion iti budget ti legal team para iti panagturong iti Netherlands, inpasigurado ni Colmenares a maaddaan da pay ti opisial a mangibagi iti panagdengngeg.
Inpaganetget pay ti abogado a basar iti independent medical assessment, ti dati a Presidente ket ‘fit’ a simmango iti panangisog kabayatan ti posible a panang-waive daytoy iti panagbisitana iti status conference.
