Naitaray iti ospital ti senador ti Estados Unidos a ni Chris Murphy kalpasan a ma-stroke daytoy.
Narikna ti agtawen 53 nga agpanpanday linteg ti panagkapuy ti takkiag na kabayatan ti panagbuyana ti hockey game ti anakna sakbay a naitaray iti lokal a pasilidad ken naiyakar iti Johns Hopkins para iti naan-anay a pannakatamingna.
Impakaammo ti opisinana a siririing, alerto, ken nasayaat ti panagsungbat ni Murphy iti treatment isut gapuna a positibo dagiti doktor a maaramid daytoy iti full recovery.
Sakbay ti insidente, aktibo ti panagkampanya na iti nagduduma a paset iti pagilian para iti padana a Demokrata iti umasideg a midterm elections uray no saan a mismo nga agtaray daytoy ita a tawen.
