LAOAG CITY – Inbatad ni Mr. Norman Marquez, maysa nga Animal Welfare Advocate a kas iti maysa a natay a kameng ti pamilya, kasapolan met dagiti taraken nga ayup ti napintas a pannakaidulin.
Daytoy ti inpetteng ni Marquez kalpasan ti insidente ti pannakaibeleng dagiti sumagmamano a natay nga ayup a naiwarang iti maysa a dumped site idiay San Jose del Monte City, Bulacan.
Inbatadna a mabalin a dagiti sumagmamano a Crematorium services ket sabali ti ititedda a dapu ti ayup kadagiti natayan ti traken a fur parents.
Innayonna pay nga adda dagiti sumagmamano a Crematorium services a manggungundaway a mangilako dagiti karne dagiti maipipan kadakuada a natay nga ayup nga imbes nga i-cremate-da dagitoy ket ilakoda ti karnena ken sabalin ti itedda a dapu kadagiti makin taraken dagiti natay nga ayup.
Inpettengna a gaputa dagiti nasao nga ayup ket awan ti biagnan ket saan daytoyen a masakop ti linteg nga Animal Welfare Act.
Nupay kasta, mabalin a maipilaan dagitoy ti reklmo a fraud wenno estafa gapu iti pananglukoda nga ited ti saan nga umno a serbisio ken panagited ti sabali a dapo.
