Dimmalan iti operasyon ti maysa a K-9 dog idiay Michigan kalpasan a nangan ti ado a bato.
Segun iti Grand Rapids Police Department, ti aso a napanaganan ti Rocco ket naikabil iti Animal Emergency and Specialty Hospital of Byron Center kalpasa a nakita daytoy nga arigna saan a makatalna ken adda dagiti babassit a banag nga ir-iruwar na.
Inlawlawag ti handler ni Rocco a ni Austin Diekevers, nagaramid ti beef sandwiches iti crock pot a dagitoy ket nairanta a kanen dagiti tarakenna a manok.
Kuna na a dagiti beef sandwiches ket inpurwak na iti deck na ken sumagmamano kadagiti crock pot juice ket nalaukan ti babassit a bato.
Inpakaammo na a nakita na ni Rocco nga aggalgalgal ti sumagmamano a bato ken kalpasan ti sumagmamano a minutos ket nadlaw na a sabalin ti sitwasyon ti aso.
Gapu iti daytoy, intaray na a dagus ti aso iti Animal Emergency and Specialty Hospital of Byron Center para iti naan-anay a pannakataming no sadinno a dimmalan daytoy iti operasyon tapno maikkat dagiti bato iti buksitna.
