Ngimmato ti Philippine tennis pride a ni Alex Eala iti baro a career-high rank a No. 17 iti pakabuklan nga standing ti Women’s Tennis Association (WTA) sakbay ti pannakilaban na iti WTA 250 Hong Kong Open.
Basar iti opisyal a rankings, ngimmato ni Eala manipod No. 19 napan iti No. 17 gapu iti nagun-od na a 2,289 points.
Naartapan ti Filipina netter ti dati a career-best na a No. 18 kalpasan a nakadanun iti quarterfinal finish ti kalepleppas laeng a 500 Tokyo Open.
Iti panangrugi ti kampanya na iti Hong Kong, naikeddeng a sangwen ni Eala ni world No. 59 Alycia Parks intono rabii.
Maipalagip nga immuna a ngun-od ni Eala ti No. 18 spot idi Agosto 24 kalpasan ti Cincinnati Open, ngem apagapaman a bimmaba iti No. 20 idi Oktubre 19 kalpasan a nagpasar ti upset losses iti Singapore ken Wuhan.
Alisto met a nakasubbot ti porma na iti left-handed star iti Tokyo Open a nakairekordan na ti breakthrough appearance iti Asian Swing.
