Nakikadwa ti Department of Agriculture (DA) kadagiti civil society groups tapno masigurado ti usto a pannakaipatungpal ken pannakaaramid dagiti farm-to-market roads (FMRs) projects iti intero a pagilian.
Karaman kadagiti nakikadwaan ti Department of Agriculture ket ti People’s Budget Coalition, Bisto Proyekto ken dadduma pay a citizen watchdogs para iti scrutinize projects manipod iti panagplano, panangisagana ti pondo, panagaramid ken post-implementation monitoring.
Inbatad ni Agriculture Undersecretary Arrey Perez a gagem ti addang ket tapno ad-adda pay a matulungan dagiti mannalonb, mangngalap ken dadduma pay a food producers ken ad-ado a rural areas.
Kabayatanna, palubusan pay ti ahensya dagiti local government units a mangiyimplementar dagiti Farm-to-market roads, ken ti panangpalawa kadagiti mausar nga institusyon tapno maipatungpal dagiti farm road construction projects.
