LAOAG CITY – Plano ni Transportation Secretary Vince Dizon nga alaen ni Gabriel Go ti Metropolitan Manila Development Authority (MMDA) tapno agbalin a katulongan ti Department of Transportation (DOTr).
Daytoy ket kalpasan ti panagsubli ni Dizon kas sekretario ti DOTr.
Ni Go ket lider ti MMDA Special Operatons Group-Task Force for Road Clearing babaen ti Office of the President.
Mainaig iti daytoy, saan met a dinakamat ni Dizon no pinalubosan ni Go ti kiddaw na.
Segun ken ni Dizon, makatuong ni Go iti road sector, kangrunaan kadagiti busways ken mass transport system iti kalsada gapu ta daytoy ti linya nga eksperto ni Go.
Kas mangidadaulo ti clearing operations, iwanwan ni Go iti panagtalaw dagiti illegal nga agtagilako iti bangketa ket mangipatungpal ti pannusa kadagiti aglabsing iti sidewalk rules iti Metro Manila.
