LAOAG CITY – Nagballigi ti kangrunaan a tunnel boring breakthrough iti Quezon Avanue station para iti maar-aramid a Metro Manila subway iti pagilian.
Iti panagbisita ni Presidente Ferdinand Marcos Jr. idi Setiembre 23 iti site ti Quezon Avenue station, nakumpleton ti panagkali manipud iti Southbound portion ti North Avenue station nga adda mappatta-patta 1.1 kilometro ken 34 a metro a kauneg below ground.
Inawagan a breakthrough ti nagballigi a panagburak iti final wall no nakumpleton ti tunnel excavation process wenno ti proseso ti panagkali iti babaen ti daga.
Kabayatanna, agtultuloy ti tunnel boring operations manipud iti Quezon Avenue station nga agturong ti East Avenue station no sadinno adda 1.5 a kilometro a kaadayo iti tunggal stasion.
Segun ken ni Department of Transportation acting secretary Giovanni Lopez, a mapaalisto a biahe manipud Valenzuela City nga agturong ti Ninoy Aquino International Airport (NAIA) no full operational ti underground railway.
Manamnama met nga umabot 500,000 a pasahero ti mabenipisiaran iti Metro Manila Subway no daytoy ket silulukaten iti publiko.
Gagem ti gobierno a makompleto ti kontraksion ti underground railway system nga adda 17 nga estasion oto maudi a quarter ti 2031.
