LAOAG CITY – Inbatad ti transportation Secretary Giovanni “Banoy” Lopez a nakasagana nga agidonar ti pamilia a Villar ti lote da tapno maresolbar ti right-of-way (ROW) issues iti Las Piñas para iti LRT-1 Cavite Extension.
Kageddan daytoy a rakurak kalpasan a naamoan ti Office of the Ombudsman ti alegasion a makiramraman da Senador Mark Villar ken Senador Camille Villar iti alignment ti proyekto. Naglikudan met ti agkabsat ti alegasion ken kunada a sisasaganada iti aniaman nga imbestigasion.
Maipalagip nga inbilin ti Presidente Ferdinand Marcos Jr, ti Department of Transportation (DOTr) ti insigida a pannakaresolbar ti isiyu iti right-of-way tapno malpas ti sibubukel a proyekto sakbay a malpas ti terminona iti 2028.
