LAOAG CITY – Nangiwayat ti tignay protesta dagiti progresibo a grupo k ti civil society organizations nga indauloan ti Bagong Alyansang Makabayan (BAYAN) kontra iti naikeddeng a panagbisita ni United States President Donald Trump ditoy pagilian para iti maika-49 nga Association of Southeast Asian Nations ASEAN Summit a maisayangkat ita a bolan.
Ikkis dagiti grupo ti “Trump Not Welcome,” a mangipakpakita a saan a naragsak dagiti nasao a grupo iti ibibisita ni President Trump ditoy pagilian.
Karaman pay iti pakadanagan dagiti grupo ti Pax Silica a maysa nga inisiatiba nga idadaulon ti Estados Unidos nga adda pakainaiganna iti supply chain ti naruay a teknolohia ken mineral.
Kabayatanna, ti manamnama a panagbisita ni United States President Trump ditoy pagilian ket ti kaunaan a gundaway manipud iti pannakitaripnongna idi 31st ASEAN Summit idi Nobiembre 2017.
