LAOAG CITY – Nakastreken iti semifinals ti Hong kong Open ni Pinay tennis star Alex Eala kalpasan nga abaken na ti Croatian player a ni Antonia Ruzic iti straight sets, 7-6, 7-5, iti naiyuswat a quarterfinal match.
Nagbalin a naiget ti laban iti umuna a set kalpasan a nagsinnukat ti rallies ken puntos ti dua a player. Immabot iti tiebreaker ti laban da no sadinno nga immuna a nakalamang ni Eala ti iskor a 5-0.
Nupay kasta, nakakamat ni Ruzic ken immabot iti iskor a 7-6, naaramid a leppasen ni Eala ti set iti 8-7.
Mainaig iti daytoy, sakbay a makastrek iti quarterfinals, immuna nga inabak ni Eala ni Emerson Jones iti Round of 32, sinaruno daytoy ti pananganak kontra ken ni Teneza Valentova iti Round of 16, ken ti naudi a panangabakna ket kontra ken ni Ruzic iti quarterfinals.
Kabayatanna, agtultuloy ti kampanya ni Eala iti semi finals ti Hong Kong Open, ken sumaruno a makasango na ti 4th seed player a ni Maria Sakkari.
