Inpaganetget ni City of Batac Market Master Mr. Danny Agulay ti naiget a panagbantayda iti merkado publiko iti suiudad tapno masigurado a saanen a maulit ti uram a napasaranda iti kallabes.
Kunana nga agtultuloy iti panangipakaamoda kadua iti Bureau of Fire Protection (BFP) tapno palagipan dagiti agtagilako iti panagan-annad ken panangkita kadagiti possible a pagrugiyanan ti uram.
Segun ken Mr. Agulay, nangiwarasda dagiti fire extinguisher kadagiti nagduduma a paset ti merkado publiko tapno adda usarenda ken dagiti agtagilako no adda insidente ti uram.
Maipalagip nga iti kallabes adda iti socil media post no sadinno adda manen nauram a pagtagilakuan ti prinito a manok ngem insigida a nasebseban ti uram usar iti fire extinguisher
Daytoy nga insidente ket saan metten a nai-report iti biang ti Bureau of Fire Protection (BFP) gapu iti insigida a pannakasebseb na daytoy.
Kabayatanna, kinomendaran ti Market Master iti kusa dagiti agtagilako iti panangsebsebda iti uram ken kunana a ditoy ti pakakitan a saanen a kayat dagiti aglaklako iti mauraman.
