LAOAG CITY – Nagtrabaho dagiti innem a humanoid robots idiay China iti uneg ti 24 nga oras iti maysa a convenience store tapno padasen ti trabaho ti maysa nga ordionario nga empleado, ngem dua kadagitoy ti saan a nakalasat iti assessment.
Inwayat ti Chinese robotics company nga Agibot ti nasao a challenge manipud Nobiembre 2 agingga 3 iti maysa a convenience store idiay Xuhui district ti China, no sadinno naawagan ti nasao nga eksperimento a “Robots Never Clock Out.”
Nagusar ti Agibot ti innem a G2 humanoid robot a nabilin nga aramiden dagiti nagduduma a trabaho kas ti panag-restock ti shelves, panagtimpla ti kape ken dagiti dadduma pay a masansan nga ububraen dagiti ordinario nga empleado ti maysa a convenience store.
