LAOAG CITY – Maiyuswat ti pannakairugi ti Damili Festival iti ili ti San Nicolas intono Sabado, Nobiembre 14, 2026.
Daytoy ket babaen ti kick-off wenno opening parade ti basketball tournament a pakilabanan dagiti nagduduma a barangay iti nasao nga ili.
Segun ken ni Mayor Edmar Vincent Bonoan, malukatan ti firsta babaen ti parada dagiti atleta ti basketball a manamnama nga aglalaban kabayatan ti fiesta.
Inlawlawag na a saan laeng a basketball ti mabalin a pakisalipan dagiti residente no diket uray pay ti indoor ken beach volleyball, badminton ken pickeball.
Pakairamanan kadagitoy ket nakalinya pay iti Damili Festival ti balikbayan night, dance competition, showdown, search for miss damili ken dadduma pay.
Maitampok kadagiti nasao nga aktibidad ti nagduduma a talento dagiti taga San Nicolas a mabuya dagiti sabali a pagilian.
Mainaig iti daytoy, alalkukoyen ni Mayor Bonoan dagiti residente iti San Nicolas ken iti Ilocos Norte a makipagpaset ken agbuya iti nagduduma nga aktibidad ken programa nga insagana da para iti fiesta.
