LAOAG CITY – Maragsakan ni Vice Mayor Rey Carlos Fariñas iti naannayas a pannakaaprobar ti Annual Budget of Fiscal Year 2027.
Daytoy ket kalpasan a naaprobaran ti agarop P1.6 billion a budget nga addaan ti 11 a botos ken 0 absention.
Segun kenkuana, naobserbaranna a nakasagana a nasayaat dagiti nagduduma nga ahensia iti naiyuswat a budget deliberations.
Daytoy ket gapu ta nasungbatan amin dagiti ahensia amin a saludsod dagiti konseho.
Mainaig iti daytoy, kunana a dakkel ti epekto ti napalabas a 2023 budget deliberation gapu ta arigna ket saanda a nakasagana a sungbatan dagiti saludsod ti Sangguniang Panlungsod.
Innayonna a ti laeng nakaawat ti ado a panagsaludsod ket ti benneg ti salun-at ti Laoag City General Hospital gapu ta kalikagom da ti naan-anay a pagsayaatan pay ti nasao nga ospital.
