LAOAG CITY – Inbatad ni Laoag City Mayor James Bryan Alcid nga adda dagiti banag a pagdumaanda iti prinsipio, moral ken values ken ni Vice Mayor Rey Carlos Fariñas.
Daytoy ti nagbalin a rakurak ti Mayor kalpasan a masaludsod kenkuana iti maika-dua a daras no adda dagiti saanda a panagkinnaawatan iti Bise Mayor.
Impakaammona nga adda dagiti gundaway a nasayaat ti relasionda ngem kellaat nga adda ti maipagarup a maibbatan a sabali a sao ti Sanguniang Panlungsod.
Inadmitir ti Mayor a daytoy ket makarikna ti sakit ti nakem ngem inlawalwagna a saan daytoy a makagura.
Gapo iti daytoy, kiniddawna a rumbeng a maobserbaran ti proper decorum iti lehislatura ken kasta metten ti open communication-da.
No pay kasta, inlawlawagna a no pay adda dagiti banag a pagdumaanda ket mabalbalin a saannan nga ikkan ti importansia gapo ta saanna a kayat nga adda ti saan a panagkinnaawatan ti executive ken legislative iti siudad aglalo ket makitkitana nga agturong ti epektona daytoy kadagiti tattao nga ipapaayanda ti serbisio.
