Umaboten iti agarop P10 a bilyon a pisos ti balor dagiti nadadael iti agrikultura gapu iti epekto ti El Niño iti pagilian a manamnama nga agpaot agingga iti nasapa a paset ti tawen 2027.
Inbatad ti Department of Agriculture (DA) a basar ti kaudian nga assessment dagiti regional offices ti ahensya, umaboten iti P9.99 billion ti balor dagiti naapektaran a produkto iti agrikultura gapu ti nakaro a tikag.
Kaadoan kadagiti nakairekordan ti dakkel a perdisyon ket iti Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, Western Visayas, Negros Island Region, Central Visayas, Eastern Visayas, Zamboanga Peninsula, Northern Mindanao, Davao Region, SOCCSKSARGEN, ken Caraga.
Adda met ti pakabuklan a 324,327 dagiti mannalon a naapektaran idinto nga umabot iti 323,419 nga ektarya ti kalawa dagiti kataltalunan a nadadael ti mula na.
