Umaboten iti P2.814 trillion iti pakabuklan a gross revenue collections ti Bureau of Internal Revenue (BIR) manipud Enero agingga Oktubre 2026, a nangatngato ti P149.86 billion wenno 5.63 a porsiento ngem iti kapada a panawen idi napalabas a tawen.
Basar iti kabaroan a collection report ti ahensia ita nga aldaw, Nobiembre 12, 2026, nakairekord pay ti P348.54 billion a koleksion para laeng iti bulanti Oktubre, a ngimmato ti P19.48 billion wenno 5.92 a porsiento manipud idi Oktubre 2025.
Segun ken ni Bureau of Internal Revenue (BIR) Commissioner Charlito Martin R. Mendoza, target ti ahensia a maartapan ti P3 trillion a marka sakbay a malpas ti bulan ti Nobiembre kabayatan a pagtalinaeden ti sumurok 5 a porsiento a panagdur-as ti pagsapulan.
Agtultuloy a pappapigsaen ti ahensia ti koleksion na iti babaen ti BIR DARES reform agenda iti babaen ti pinaiget a panagbantay iti buwis, panaglapped iti tax evasion ken illicit trade ken panangpaimbag ti serbisio para kadagiti taxpayer.
Kabayatanna, daytoy ket nakasentro iti tema ti ahensia a “Mahusay na Serbisyo, Katumbas ng Buwis Mo,” a gagem ti Bureau of Internal Revenue a makagutigot pay ti boluntario a panagbayad ti buwis iti babaen ti mapagtalkan ken naurnos a serbisio.
