Naiget a nagpalagip ti Department of Health (DOH) iti publiko nga agan-annad nga agnanayon kontra iti nakaro a pudot ita a panawen ti El Niño tapno maliklikan dagiti pangta iti salun-at kas ti heat stroke ken drhydration.
Binalakadan ti ahensia ti publiko a no mabalbalin ket liklikan ti nadadagsen a trabaho iti ruar kadagiti oras a nakaro ti raniag ti init.
Malaksid iti daytoy, masapul pay nga aginana kadagiti lugar nga adda umdas a linong wenno adda naurnos a ventilation tapno masigurado ti presko nga aglawlaw ken saan a maurong ti pudot iti bagi.
Napateg pat ti uminom ti umdas a danum iti agmalem no man pay saan a makainom tapno mapagtalinaed nga umdas ti hydration ken maliklikan ti panagkapsot.
Innalukoy pay dagiti mangmangged ken indibidual nga insigida nga agsardeng iti trabaho no makapasar ti ulaw wenno dadduma pay a sintomas ti bannog manipu iti init wenno pudos.
Para iti kanayonan a proteksion, binalakadan pay ti amin nga agitugot ti payong wenno agisuot ti badbado a pamproteksion iti init no rumuar iti pagtaengan.
