LAOAG CITY – Inpakaammo ti Department of Migrant Workers nga awan ti Pilipino a nadangran iti pannakaidungpar ti maysa a tanker iti cruise ship idiay New Orleans.
Dayta ti inpakaammo ti ahensia kalpasan a naamoan nga adda ti 17 a Filipino seafarers a nakalugan iti nasao a tanker kabayatan ti insidente idi Nobiembre 13.
Mainaig iti daytoy, kinuna ti ahensia nga awan met ti nakalugan a Filipino iti cruise ship a nadungpar ti Tanker.
Maipalagip a napasamak ti nasao nga insidente idi Nobiembre 13 idiay Mississippi River iti asideg ti Port ti New Orleans idiay Lousiana, United States.
Iti baet daytoy, gapu iti nasao nga insidente, agarup 32 a pasaheros ti cruise ship ti naitaray iti ospital para iti pannakataming dagiti nasagabada a sugat.
