LAOAG CITY – Naragsak nga imburay ti Department of Tourism (DOT) nga adda ti nasayaat a mapaspastrekan dagiti negosiante a karaman iti hub ti micro, small and medium enterprises (MSME) iti ASEAN International Media Center (IMC) iti World Trade Center iti Pasay City.

Mainaig iti daytoy, inbatad ti ahensia a manipod iti panaglukat ti nasao nga hub idi Nobyembre 11 ket nakaurnong dagitoyen ti sumurok kumurang P900,000.

Ti “Philippine Experience” ket inorganisar ti Department of Tourism (DOT) kadwa ti Presidential Communications Office (PCO) no sadinno a makita ti sumagmamano a produkto nga ipanpannakkel iti Pilipinas.

Kabayatanna, inlawlawag ti Department of Tourism (DOT) a daytoy ket kas pammilin ni Presidente Ferdinand Marcos Jr. a gundawayan ti panag-host iti Pilipinas ti ASEAN tapno maipannakkel dagiti produkto ti pagilian.