Inbatad ni Presidente Ferdinand Marcos Jr. nga addan iti 85 agingga 90 a porsienton iti pannakakompleto iti South China Sea Code of Conduct.

Nupay kasta, pinasingkedan ni Marcos a saan a makompleto daytoy iti babaen ti chairship ti pagilian iti ASEAN Summit.

Immunan nga inbatad ni Foreign Affairs Secretary Theresa Lazaro a ti Code of Conduct ket saan a maipinal ita a tawen ken ipaima ti Pilipinas ti agarup 80% ti pannakakompleto ti dokumento iti sumaruno a chair, ti Singapore

Mainaig iti daytoy, inlawlawag ti Presidente a ti kaadoan kadagiti nabatbati nga isyu ket adda iti definitions and terminologies.

Ti Code of Conduct ket maysa a diplomatic framework a makatulong nga imanehar ti maritime conflicts, mangestablisar ti pagannurotan iti South China Sea.

Iti agdama, inbatad ni Marcos nga agtalinaed a sursuroten latta ti rehion ti 2002 Declaration on the Conduct of Parties in the South China Sea.