LAOAG CITY – Agsagsaganan ni Pinoy two-time Olympic gold medalist Carlos Yulo para iti panagay-ayam na iti tennis.

Daytoy ket gapu ta karaman ni Yulo iti homecoming event ni Pinay tennis star Alex Eala a maiyuswat intono Disiembre iti Philippine Arena.

Kadwa ni Yulo ti girlfriend na a ni Chloe San Jose.

Gapu iti pannakipaset ni Yulo ket maibilang ti aktibidad kas Philippine Sports all-stars gapu ta makiay-ayam pay ni boxing champion Manny Pacquiao.

Makadwa da pay ti sumagmamano nga artista nga agay-ayam iti nasao nga exhibition game.

Kabayatanna, iti main event ket makasango ni Eala ni WTA Southeast Asian champion Janie Tjen ti Indonesia.