LAOAG CITY – Nagballaag dagiti agsuksukisok iti dumakdakkel a pangta iti salun-at ti tao manipod kadagiti kemikal a masarakan iti amin a banag.
Daytoy ket pakairamanan dagiti taraon, ramit iti uneg ti pagtaengan, packaging, ken dadduma pay nga alikamen a kasapulan iti inaldaw.
Segun kadagiti eksperto, ti agtultuloy nga exposure kadagiti kemikal ket mabalin a mangipaay ti risgo iti salun-at, kangrunaan na no agpaot ken maulit-ulit ti pannaka-expose.
Gapu iti daytoy, inpaganetget dagiti eksperto a kasapulan ti naig-iget a regulasion, nataltalged a produkto, ken pannakaammo ti publiko ti epekto dagiti nasao a kemikal tapno maliklikan ti potensial a nakaro a pannaka-expose dagiti indibidiual.












