LAOAG CITY – Pinatibker ni Presidente Ferdinand Marcos Jr. ti nabayagen a panagkadkadua ti Pilipinas ken Estados Unidos iti nagbalin nga speech-na iti state luncheon para ken ni United States President Donald Trump iti Malacañang idi kalman, Nobiembre 18.

Inpetteng ni Marcos ti importansia ti panagbisita ni Trump kageddan ti maika-80 nga anibersario ti diplomatiko a relasion dagiti dua a pagilian ken ti maika-75 nga anibersario ti Mutual Defense Treaty.

Segun ken ni Presidente Marcos, saan laeng a maipanggep iti depensa ken seguridad ti sakupen ti nasao a pannakaipatibker iti nasao a relasion no diketdi sakupen na pay ti ekonomiya, panagpuunan, enerhiya, teknolohia, edukasion ken ti pannakaipapigsa ti supply chains.

Gapu iti daytoy, mangnamnama ni Marcos a manglukat daytoy ti ad-ado pay nga oportunidad para iti napinpintas ken natibtibker a koordinasion, kinatalged, seguridad ken ti panagdur-as dagiti dua a pagilian.