Rinaot manen ti Ukraine iti maikatlo a gundaway ti Crimean Bridge.

Kinumpirmaran ti mangidadaulo iti Crimea a nadutukan iti Moscow a ni Sergei Aksyonov, temporaryo a nasuspenso ti trapiko kalpasan ti panagraot iti rangtay a mamagkonektar ti Russia ken ti Crimea.

Ti kritikal a ragtay ket natamaan ti namindua a daras iti uneg ti maysa a lawas a nagresulta ti sumagmamano a pannakadadael ken adda ti pasetna a narpuug.

Maipalagip a nabayagen a punpuntiryaen ti Ukraine ti napateg nga imprastraktura gapu iti kinapateg na kas maysa a logistic ken symbolic asset iti panangikarkarigatan iti gubat ti Moscow.

Napasamak ti panagraot sakbay a nakipagkita ni Russian President Vladimir Putin kada US President Donald Trump ken Chinese President Xi Jinping para iti landmark talks idiay China.

Inbatad ni Aksyonov a saan da pay a masinunuo no kasanu ti kalawa ken kadakkel ti perdisyon ti nasao a rangtay.