Nangiparuk-at ti show cause order ti Impeachment Court kontra ken ni Atty. Paolo Panelo, ti pannakangiwat ni Vice President Sara Duterte, mainaig kadagiti nagbalin a rakurak na a mangkonkondenar kadagiti senator-judges a mangdengdengngeg ti impeachment trial ti bise presidente.

Namonganay daytoy kadagiti nagbalin a komento ni Panelo kalpasan ti maika-44 nga aldaw ti panangusig idi Huwebes, Nov. 19, no sadinno a kwinestyunaran ti sumagmamano a senator-judges ti testimonya ni Atty. Rainer Dela Fuente, testigo ti depensa.

Segun ken ni Panelo, arigna dagiti senator-judges a mismo ti mangkweskwestyunar iti kredibilidad dagiti testigo ti depensa.

Kwinestyunaran na pay dagiti nagbalin a saludsud ken komento iti panawen ti trial.

Gapu iti daytoy, inrakurak ni Senator-Judge Erwin Tulfo ti pannakaalarma na iti maika-45 nga aldaw ti impeachment trial ita nga aldaw ti biernes, Nobyembre 20 ken kiniddaw na mangiparuk-at ti show cause order kontra ken ni Panelo.

Segun ken ni Tulfo, saan a paset ti impeachment proceedings ni Panelo ngem mangipapaay kadagiti komento mainaig kadagiti senator-judges, idinto a pagpapaayan na ti bise presidente nga agdama nga us-usigen ti impeachment court.
Show cause order laban sa spox ni VP Sara, inihain ng impeachment court
Iti babaen ti show cause order, naibilin ken ni Panelo nga agpalawag no apay a saan a rumbeng a mapatawan ti maiyannatop nga addang mainaig kadagiti nagbalin a rakurak na.