LAOAG CITY – Maipaayan ti diskuento dagiti indibidual nga addaan ti Philippine Identification System (PhilSys) identification card wenno ti maawawagan a Philippine National I.D kadagiti sumagmamano a kabinnulig ti Philippine Statistics Authority-Ilocos Norte nga establisimiento ken pasdek negosio babaen ti programada nga “ID Mo, Perks Mo!”

Dayta ti inbatad ni Mr. Johnsen Jett B. Asuncion, registration officer 2 ti Philippine Statistics Authority -Ilocos Norte.

Segun kenkuana, daytoy a programa ket para iti pannakaipalawa ti impormasion ken ti importansia ti Philippine National ID kas panangallukoyda kadagiti saan pay a nakapagparehistro iti daytoy a programa.

Inbatad ni Asuncion, nga adon dagiti kabinnuligda nga establisimiento ken pasdek negosio, pakairamanan dagiti coffee shops, agricultural suppliers, barber shops, academic tutoring, ken dagiti dadduma pay.

Inpettengna a ti diskuento ket nakadependar kadagiti partners-da no kasano kadakkel ti maipaay a diskuento kadagiti nakarehistro a customers-da.

kabayatanna, ginutigot ni Asuncion dagiti saan pay a nakaparehistro a gudawayndan ti agparehistron.