Inikkat iti puesto ni US National Cyber Director Sean Cairncross kalpasan ti nagsasaruno nga aberia kadagiti technology system a nakaapektar iti air travel, banking ken national security networks ti Estados Unidos.

Basar iti report idi Nobiembre 29, inbatad ti maysa a source nga asideg iti White House a sinuportaran ni US Presidente Donald Trump ti panangikkat ken ni Cairncross.

Temporario a sumukat kenkuana ni Department of Defense Chief Information Office Kirsten Davies kabayatan nga ururayen ti pannakakumpirma ti permanente a kasukat ti US Senate.

Pakairamanan kadagiti nairekord nga aberia iti kallabes ket ti temporario a pannakasardeng ti air travel iti intero a pagilian, pannakaawan ti access ti sumagmamano a Microsoft email services ken internal network disruption ti US National Security Agency (NSA).

Makapaspasar pay ti problema ti sumagmamano a banking services a nangitunda ti pannakaitantan kadagiti transaksion.

Gapu iti daytoy, nakaawat ti pammabalaw ti Trump administration gapu iti nagbalin a panagsungbat na kadagiti nagsasaruno a technical disruptions.

Nupay kasta, inbatad ni US Director of National Intelligence Jay Clayton iti panagdengngeg iti Kongreso nga awan ebisensia nga agkokonektar dagiti insidente wenno paset dagitoy ti coordinated cyberattcks a suportado ti sabali a pagilian.

Segun kenkuna nga agsina nga aberia dagitoy nga adda pakainaigan na iti maintenance ken dagiti teknikal a panagbalbaliw kadagiti sistema.

Dati nga executive ti Republican National Committee ni Cairncross sakbay a nangidaulo ti Office of the National Cyber Director a nagidaulo iti panagbikel ken koordinasion dagiti pagalagadan ken estratehia iti cybersecurity ti pederal a gobierno.

Kasapulan a dumalan iti kumpirmasion ti Senado ti permanente akasukay na, a manamanama nga agbalin a komplikaso gapu ta kontrolado dagiti Democrat ti Senado manipud idi Enero.