Gimmatang ti lokal a gobierno ditoy siudad ti Laoag ti kanayunan nga ambulansia para iti Laoag City General Hospital.
Segun iti lokal a gobierno iti nasao a siudad, kalikagumna a maipaay ti naal-alisto a serbisio para kadagiti umili ken dagiti agskasapolan ti alisto ken naan-anay a panagagas.
Kinuna ni Laoag City Mayor James Bryan Alcid a ti pannakkaiyallokar iti pananggatang iti ambulansia ket tapno mapagbalin a level 2 Hospital ti Laoag City General Hospital ken tapno magutigot dagiti pasiente a pilien ti nasao nga ospital a pagpaagasan.
Kabayatanna, babaen iti daytoy, al-aliston ti panangipaay ti medikal a serbisio aglalo kadagiti oras ti emerhensia nga agkasapulan ti insigida a tulong medikal.










