LAOAG CITY – Maisayangkat ti Ipon Festival intono Nobiembre 27 agingga 29, 2026 ditoy siudad ti Laoag.

Segun ken ni Mrs. Mary Jane Leaño, ti mangidadaulo ti City Tourism, a ditoy a maitampok ti kultura ken tradision dagiti mangngalap ti ipon partikular kadagiti Barangay Caoacan, La Paz, ken Gabu.

Inlawlawagna nga iti tallo nga aldaw nga aktibidad ditoy a maiyuswat iti;

Nobiembre 27, panagyaman, fluvial parade a mangrugi iti Barangay Suyo magna iti paset ti lovelock bridge agingga iti Barangay La Paz fish port, ken ti cookfest nga usar ti ipon kas main dish;

Nobiembre 28, panagruknoy wenno offering, mural painting competition, bangkaton a maitapok ti remote control ken manual a bangka; ken

Nobiembre 29 ti maudi nga aldaw ti panagselebrar, ditoy a maangay ti fishing demo no sadinno a ditoy a maipakita ti panagtiliw ti ipon babaen kadagiti mangngalap ken iti mini street dance competition a pagbibinnuligan dagiti 11 a barangays.

Kabayatanna, gutgutigoten ni Leaño dagiti umili a makipaset ken imatangan ti kinabaknang ti kultura ke tradision ti ipon iti nasao a siudad.

Ti nasao nga Ipon Festival ket inisponsoran ni Konsehal Bjorn Lao, ti Chairman ti Committee on Tourism ti ordinansa para iti Panagipon Festival ditoy siudad ti Laoag.