LAOAG CITY – Nagpositibo iti African Swine Fever (ASF) ti saan a bumaba iti uppat a barangay iti ili ti Macalelon, Quezon.
Mainaig iti daytoy, dagiti uppat a barangay ket pakairamanan ti Mabini Ibaba, Amontay, Candangal ken ti Pinagbayan.
Dagiti nasao a lugar ket nakumpirmaran basar iti resulta nga inparuk-at ti Municipal Agriculture Office (MAO) idi Nobiembre 11.
Gapu iti daytoy, insigida a nangiwayat ti Municipal Agriculture Office (MAO) ti surveillance, panag-monitor ken panagkontrol ti panagparti kadagiti naapektaran a baboy kabayatan ti pannakaipaiget ti biosecurity protocols kadagiti kabangibang a barangay iti Macalelon.
No man pay saan a maiyakar iti tao ti ASF, adda ti panagballag dagiti otoridad a narisgo iti salun-at ti pananglak-am ti karne manipud kadagiti naimpektaran iti sakit.
Kabayatanna, agtultuloy ti panangipatungpal ti Department of Agriculture (DA) dagiti ASF checkpoint ken dagiti panagpabakuna kadagiti taraken a baboy tapno maliklikan ti panagwaras ti nasao a sakit.












