Nakasaganan iti opisina ti Provincial Veterinary Office nga agawat kadagiti sample kalpasan a naipaima kadakuada ti flourescent antibody microscope.
Inlawlawag ni Dr. Loida Valenzuela, ti Provincial Veterinarian a daytoy ket rabies test kit a mangipaay iti napaspaspas a pannakaiparuk-at ti resulta.
Kunana a no maawat da ti sample iti bigat ket mabalin a ma-test daytoy iti kamaleman na ken insigida a maamoan ti resulta na.
Mainaig iti daytoy, silulukat pay ti Veterinary office nga agawat kadagiti sample manipod iti kabangibang a probinsia kas iti Cagayan ken Ilocos Sur tapno matulungan dagitoy ken saanen a mapan iti siudad ti Baguio wenno Pangsinan tapno maeksamen.
Kabayatanna, inbatad ni Valenzuela, dimmalan iti training dagiti staff tapno naan-annayas ti panangusar ti naipaay a test kit.
