LAOAG CITY – Saan a madanagan ni dati nga Ilocos Sur Governor Luis “Chavit” Singson kalpasan a pinilaan ti kaso a cyberlibel ti maysa a saan nga innaganan a grupo.
Daytoy ket kagiddan ti panagwaras ti mugshot kalpasan ti panangarestar mainaig iti nasao a kaso.
Inpetteng ni Singson nga awan ti basolna ken insigida a nakapiyansa ti P60,000 kalpasan a naawat ti reklamo.
Mainaig iti daytoy, nupay adda ti panagdudua iti nasao a kaso, inbatad ni Singson a nakasagana a sangoenna daytoy ken ibilangna daytoy a dayaw kenkuana a maisaklang tapno mailabanna ti kinapudno.
Inallukoyna ti publiko a saan nga agbuteng nga ilaban ti kinapudno ken labanan dagiti tao a pudno a nakabasol.
