LAOAG CITY – Kumpiansa ti Office of the Ombudsman a mapaiyalisto ti kaso kontra ken ni dati nga house speaker Martin Romualdez.

Segun ken ni Ombudsman Jesus Crispin Remulla, a ti panagsuko kadagiti otoridad da Samchan Foreign Exchange Corp. president Felicito Guevarra, a pada nga akusado ni Romualdez ket posible a maileppas ti kaso iti uneg ti maysa a tawen.

Mainaig iti daytoy, nagisubli ti kwarta ni Guevarra ti P324 milyon iti gobyerno a kapada ti gatad ti komisyon na iti transaksyon.

Gapu iti daytoy ket nagbalin ni Guevarra a testigo iti panagdengngeg kontra ken ni Romualdez.

Kabayatanna, napirmaanen ni Remulla ti immunity agreement isot gapu na a karaman daytoy kas maysa a witness.

Maipalagip a simmuko iti National Bureau of Investigation (National Bureau of Investigation) ni Guevarra a kapada nga akusado ni Romualdez ken dati nga Ako-Bicol partylist Rep. Zaldy Co iti anomalya kontra kadagiti flood control projects.

Sumangsano da Romualdez ken Co ti P7.44 bilyon a plunder case no sadinno nga agpada a naglikudan da ti nasao nga alegasion.