LAOAG CITY – Patyen ni ABC President Reynaldo Mariano iti ili ti Solsona a pamerperdi ken adda maris pulitika na ti alegasyon kenkuana a panagpap-paputok ti paltog.
Basar iti alegasyon, maipagarop a masansan nga ar-aramiden ni Mariano daytoy.
Segun kenni Mariano, iti rabii a maibagbaga nga isu ti panagpaputok na ti paltog ket adda laeng isuna iti balay da ken adda ti makapaneknek iti daytoy.
Inpetteng na a saan na a maaramid daytoy gapo ta ammo ti paglintegan ken kunana a ti paltog na ket naipakustudiyar iti Philippine National Police (PNP).
Inbatad na pay a nga uray makainom ti nasanger ket ammo na latta ar-aramiden na.
