LAOAG CITY – Ninamnamanan ni Atty. Arnedo Valera iti Washington DC a ma-acquit ni dati a presidente Donald Trump iti Estados Unidos iti impeachment trial.
Segun kenni Atty. Valera, daytoy ti kabiitan a naiyuswat nga impeachment trial iti pakasaritaan ti Amerika gapo ta lima nga aldaw laeng a nagpaot ti trial.
Inlawlawag na a na-acquit ni Trump gapo iti technicality saan ket a gapo ta saan a guilty isuna iti napasamak iti Capitol Hill idi Enero 6.
Kuna pay ni Arnedo a dagiti nagbutos iti not guilty ket saan da a kayat ti pumusisyon a maimpeach ni Trump gapo ta ammo da a maibilang a “death sentence” daytoy iti political career da.
Dinakamat na pay nga ammo dagiti nagbutos a not guilty a kontrolado pay laeng ni Trump ti Republican Party nga isu ti narigat kadagitoy a gundaway.
Inbatad na a saan pay a nalpas ti laban gapo ta mabalin nga ado pay a kaso ti maipila no sadinno ket inbaga ti maysa a Senador a saan nga impeachment trial ti husto a proseso no diket ti panangipila ti kaso iti korte.
