LAOAG CITY – Kiniddaw ti aktor a ni Pierce Brosnan a ti nasken a sumaruno nga agakem kas James Bond ket maysa a Briton.
Reaksion daytoy ti dati a James Bond actor iti panangiggemnan ti maysa a kompania iti franchise ti pelikula.
Mangnamnama daytoy nga adda ti bileg ti kompania a makapili ti usto nga aktor para iti nasao a pelikula.
Addan iti ima ti kompania ti panagpili iti mangsukat ken ni Daniel Craig kas sumaruno a James Bond.
Naammoan a dagiti sumagmamano a nakapila a pagpilpilian ket da James Norton, Aaron Taylor-Johnson ken Theo James.
Maipalagip nga iti kallabes ket adda ti dua nga aktor a saan a British nga isuda George Lazenby ti Australia ken ni Brosnan a maysa met nga Irish.
Naragsakan ti agtawen ti 71 a ni Brosnan ti pannapilina idi tapno agakem kas James Bond.
