LAOAG CITY – Inbatad ni Police Lt. William Sotelo, ti Team Leader iti Badoc Border Control nga ad-adda pay a pinaigetan da ti agbantay ken mangipatungpal kadagiti covid-19 restrictions para kadagiti sumsumrek ditoy probinsya.
Daytoy ket kalpasan a naipangato iti Alert Level 3 iti National Capital Region (NCR) ken naipan manen iti high risk iti intero a pagilyan.
Segun ken ni Sotelo, no fully vaccinate dagiti turista a sumrek ditoy probinsya ket ti laeng ipakita da ket ti vaccination card, valid ID, kopya ti accomodation iti pagderetsoan da nga hotel, QR code ken masapol a nakarehistro dagiti maseknan iti Ilocos Norte.ph
Inpalgak na nga uray fully vaccinated no dagiti aggapo iti risk Level 4,5 ken 6 ket masapol latta a mangipakita iti RT-PCR test a naala iti uneg ti 72 nga oras, ngem no awan ket mabalin ti Antigen test a naala iti uneg ti 24 nga oras wenno apaman a sumrek ditoy probinsya, valid ID, coupon manipod iti tourista registration babaen iti panagrehistro da iti Ilocos Norte.ph
Innayon na a kastoy met laeng ti ipatpatungpal da a pagalagadan para kadagiti residente ditoy probinsya nga aggapo iti sabali a lugar.
Kuna pay ni Sotelo a no rumuar dagiti maseknan ditoy probinsya ket masapol a mangala da ti exit pass iti border gapu ta isu laengen ti ipakita da karaman ti valid ID da.
