LAOAG CITY – Inbatad ni Bombo International News Correspondent Julia Racimo, tubo iti ili ti Vintar ken agnanaed idiay Oregon, USA a napipigsa pay laeng ni US President Donald Trump kontra kenni democratic presidential candidate Joe Biden iti lugar da.
Segun kenni Racimo, daytoy ket basar obserbasyon na ken iti pannakisarsarita na kadagiti am-ammo ken papagayam na.
Kunana nga uray ti military ket makita na a ni Trump ti ad-adda a kaykayat dagitoy gapo ta ammo ti presidente a bigbigen a dagitoy ti mangsalsalbar iti pagilyan da pakairamanan dagiti benipisyo dagitoy uray man no nakaretiron dagitoy.
Innayon na nga awan met ti tensyon iti lugar da no diket natalna ti kampanya para iti eleksyon.
