LAOAG CITY – Ado dagiti tricycle drivers a naulaw iti schedule ti panagpasada da ditoy ciudad ti Laoag ita nga aldaw.
Daytoy ket gapu ta naladaw a naiparuk-at ti memo manipod iti opisina ni Mayor Michael Marcos-Keon no ania dagiti tricycle nga agpasada idi kalman.
Segun ken ni Police Corporal Alex Rosal iti PNP-Traffic Division ditoy ciudad ti Laoag, adda ti sursuruten a coding number dagiti traysikelan.
Naamoan a naisubli ti schedule a no aldaw ti Martes, Hwebes ken Sabado ket dagiti tricycle nga addaan ti plate number nga odd numbers ti agpasada.
Innayon na a no Lunes, miyerkules ken biernes ket even numbers idinto a ti aldaw ti domingo ket No Movement Day ditoy ciudad ti Laoag iti babaen ti Enhanced Community Quarantine (ECQ).
