LAOAG CITY – Nakairekord ti innem nga indibidual ti pimmusay ken pannakaitantan dagiti flights iti dakkel a paset ti Europa gapu iti panagtudo ti yelo.
Natay ti lima a tattao manipud kadagiti nagduduma a paset ti France kalpasan a nadisgrasia gapu iti agyelyelo a kalsada pakairamanan iti Bosnia a maysa a babai ti pimmusay gapu iti panagtudo ti napuskol a yelo.
Mainaig iti daytoy, rinibu a pasahero ti na-stranded kadagiti eropuerto ti Paris ken Amsterdam.
Manamnama nga agtultuloy ti pannakaitantan kadagiti flights kadagiti sumarsaruno pay nga aldaw gapu iti panagtudo ti yelo.
Inbalakad ti National Weather Service ti France a mabalin nga iyetnagda ti orange alert ti 38 a distrito.
Umabot met iti sumurok 400 a flights ti na-delayed iti Amsterdam ken sumagmamano pay a paset ti Europa.
